Azərbaycanda radikal dini qrupların fəaliyyəti həmişə eyni sxem üzərində qurulub. Onlar heç vaxt cəmiyyətə birbaşa: “Biz xarici ideologiyanın daşıyıcısıyıq”, – deyə çıxmayıblar. Əksinə, xalqın tarixindən, milli-mənəvi dəyərlərindən, dini simvollarından və folklorundan istifadə edib özlərini “yerli”, “milli” və “xalqdan biri” kimi göstərməyə çalışıblar. Çünki yad ideologiya bu xalqa açıq şəkildə satıla bilməz. Ona görə də bu qruplar daim milli və dini örtük axtarıblar.
