Braziliya millisinin və "Santos" klubunun hücumçusu Neymar Braziliyanın 2026-cı il Dünya Kubokuna hazırlıqlarının başlamasından qısa müddət əvvəl daha bir sağlamlıq problemi ilə üzləşib.
ONN media xarici mətbuata istinadən xəbər verir ki, oyunçuya sağ baldır əzələsinin şişməsi diaqnozu qoyulub.
Məlumata görə, zədə ciddi hesab edilmir, lakin oyunçunun müalicəyə və müvəqqəti məhdudiyyətlərə ehtiyacı olacaq. 34 yaşlı hücumçu hazırda Santosun məşq mərkəzində şəxsi tibbi qrupunun nəzarəti altında sağalır. Neymarın vəziyyəti Braziliya Futbol Konfederasiyasının mütəxəssisləri tərəfindən də izlənilir.
Hücumçunun 27 maya qədər tam məşqlərə qayıdacağı və Dünya Kubokundan əvvəl milli komandaya qoşulacağı gözlənilir.
