Bəs, komandanın mükafatlandırma mərasimi nə vaxt keçiriləcək? İndiyə qədər çempionlar, adətən, ya mövsümün son matçında, ya da son ev oyununda mükafatlarına qovuşub. Mərasim bu dəfə hansı qarşılaşmaya təsadüf edəcək?
Bu sualla PFL-in Media və Marketinq direktoru Sənan Abdullayevə müraciət etdik. Onun “Football-plus.az”a açıqlaması:
“Çempion komandanın nə vaxt mükafatlandırılacağı bilinmir. PFL hələ bu barədə qərar verməyib. Vəziyyət duruma uyğun dəyərləndiriləcək”.
Maraq üçün qeyd edək ki, “Sabah”ın son ev matçı 32-ci turda “Neftçi”yə, son oyunu isə səfərdə “Turan Tovuz”a qarşı olacaq.
KƏNAN BAHADIR
