Vaşinqtondakı atışma İran əməliyyatı ilə bağlıdır?

ABŞ Prezidenti Donald Tramp Ağ Ev Müxbirləri Assosiasiyasının "Washington Hilton" hotelindəki qəbulunda baş verən atışma hadisəsinin Amerikanın İrana qarşı hərbi əməliyyatı ilə əlaqəli olduğuna şübhə ilə yanaşır.

 

Senzor.az yerli KİV-ə istinadən bildirir ki, bu barədə o, hadisədən sonra keçirilən mətbuat konfransında danışıb.

 

"Belə düşünmürəm, amma heç vaxt dəqiq bilmək olmaz", - Amerika lideri jurnalistlərin sualını cavablandırarkən bildirib.

 

D.Tramp, həmçinin atəş açan şəxsin hədəfi ola biləcəyi ehtimalını da istisna etməyib.

 

Qeyd edək ki ABŞ Prezidenti Donald Tramp təhlükəsizlik sahəsində insidentdən sonra Vaşinqtondakı hotellərdən birində keçirilən Ağ Ev Müxbirləri Assosiasiyası üzvlərinin qəbulu zamanı təxliyə edilib. Yayımlanan görüntülərə görə, zalda hay-küy qopub, sonra atəş səsi eşidilib və bunun ardınca çaxnaşma baş verib. ABŞ Məxfi Xidmətinin əməkdaşları Prezidenti, birinci xanım Melaniya Trampı, Vitse-prezident Cey Di Vensi və Ağ Evin Mətbuat katibini zaldan çıxarıblar.