Liqa 1: Xviça dubl etdi, PSJ 3 qola sevindi – ARENA.AZ

Bu gün futbol üzrə Fransa çempionatında (Liqa 1) 2025/2026-cı illər mövsümünün 26-cı turundan təxirə salınmış bir oyun keçirilib.

Arena.az xəbər verir ki, günün yeganə oyununda son çempion və lider PSJ doğma meydanda “Nant”la üz-üzə gəlib.

Paris təmsilçisi bu görüşdə 3 xalı 3 cavabsız qolla qazanıb. Gürcüstan milli komandasının hücumçusu Xviça Kvaratsxeliya bu görüşdə dubla imza atıb.

Qeyd edək ki, Fransa çempionatının cari mövsümündə 29 oyuna 66 xal toplamış PSJ vahid liderdir. “Lans” 62 xalla ikinci pillədə qərarlaşıb. Lion “Olimpik”i ilə “Lill” 54, “Renn” 53, Marsel “Olimpik”i 52, “Monako” 50, “Strasburq” 43 xal toplayıb.

Fransa, Liqa 1
26-cı turun oyunu
22 aprel

PSJ – Nant 3:0
Qollar: Kvaratsxeliya, 13-pen; 50. Due, 37.