BAKI, 19 aprel. TELEQRAF
İrlandiya hökuməti Ukraynadan gələn qaçqınların yerləşdirilməsi ilə bağlı mövcud müqavilələri ləğv etməyi planlaşdırır.
Teleqraf xəbər verir ki, bu barədə "The Sunday Times" məlumat yayıb.
Məlumata görə, hökumət daxilində bəzi rəsmilər müvəqqəti müdafiə direktivinin ləğvini və ya Ukrayna vətəndaşlarına verilən dəstəyin məhdudlaşdırılmasını nəzərdən keçirirlər.
İmmiqrasiya məsələləri üzrə nazir Kolm Brofi bildirib ki, kabinet təxminən 16 min Ukrayna vətəndaşının yerləşdirildiyi müqavilələrin dayandırılması məsələsini müzakirə edir.
