Müəllif: Tamara Mustafayeva, Banco.az
“Anthropic” dizayn dünyasında inqilab edir: Klod Dizayn.
Banco.az xəbər verir ki, süni intellekt dizayn dünyasında köklü dəyişikliklər yaradır.
Süni intellekt sahəsinin nəhəngi “Anthropic” dizayn sahəsini dəyişdirəcək yeni məhsulu olan “Claude Design”ı bazara təqdim edib. “Claude Design” vasitəsilə dizayn təcrübəsi olmayan istifadəçilər belə yalnız istəklərini təsvir etməklə peşəkar keyfiyyətdə vizuallar, prototiplər, təqdimatlar və bir səhifəlik xülasələr yarada bilirlər.
Şirkət bildirir ki, “Claude Design” dizayn təcrübəsi olmayan qurucuların və məhsul menecerlərinin ideyalarını daha asan şəkildə paylaşmalarına kömək etməyi hədəfləyir.
Bu platforma ilə istifadəçilər istəklərini izah edir və “Claude” ilkin versiyanı hazırlayır. Bundan sonra isə istifadəçilər birbaşa düzəlişlər etməklə və ya əlavə istəklər göndərməklə vizualları təkmilləşdirə bilirlər. Platformanın ən diqqətçəkən xüsusiyyəti isə statik nəticə təqdim etmək əvəzinə, istifadəçilərə “Claude” tərəfindən yaradılmış idarəetmə düymələri təqdim etməsidir. Bu sayədə rəng balansından boşluqlara qədər bütün detalları real vaxt rejimində dəyişmək mümkün olur.
Bizi sosial şəbəkələrdən izləyin!!
