Bizimyol saytından alınan məlumatlara görə, ain.az xəbər verir.
Rusiya ilə Finlandiya arasında genişmiqyaslı mədəni əməkdaşlıq tamamilə dondurulub.
Bizimyol.info xəbər verir ki, bu barədə Rusiya Federasiyasının Finlandiyadakı səfiri Pavel Kuznetsov ölkə mətbuatına müsahibəsində bildirib.
Diplomatın sözlərinə görə, iki ölkə arasında yaxın keçmişdə geniş olan mədəni-humanitar əməkdaşlığın bütün spektri 2022-ci ildən etibarən Finlandiya tərəfinin təşəbbüsü ilə dondurulub. O qeyd edib ki, mədəni mübadilələrin həyata keçirilməsi və birgə layihələrin icrası dayandırılıb.
Kuznetsov hesab edir ki, bu vəziyyətdən ilk növbədə Finlandiya sakinləri zərər çəkir. Onun sözlərinə görə, buna misal olaraq 2021-ci ildə Helsinkidə keçirilmiş böyük rus rəssamı İ. Y. Repinin əsərlərinin sərgisini göstərmək olar; həmin sərgi ilin əsas mədəni hadisələrindən biri olmuş və böyük populyarlıq qazanmışdı.
Səfir vurğulayıb ki, oxşar vəziyyət idman, elmi mübadilələr və təhsil müəssisələri arasında əməkdaşlıq sahələrində də müşahidə olunur. Bundan əlavə, sərhədin bağlanması və iki ölkə arasında sərnişin əlaqələrinin olmaması səbəbindən insanlararası təmaslar da demək olar ki, mümkünsüz hala gəlib. Nəticədə minlərlə ailə qohumları və dostları ilə şəxsi əlaqələri davam etdirmək imkanından məhrum olub.
Qadir, Bizimyol.info
Ən son xəbərləri və yenilikləri almaq üçün ain.az saytını izləyin.
