Türkiyə prokurorluğu İsrailin Baş naziri Benyamin Netanyahu və bir sıra hökumət və hərbi rəhbərlərə qarşı ağır ittihamlar irəli sürüb.
Bu barədə yerli “Hürriyet” qəzeti məlumat yayıb.
Məlumata görə, prokurorluq Netanyahu və digər şəxslər üçün ömürlük, eləcə də epizod ittihamları üzrə 1102 ildən 4596 ilə qədər azadlıqdan məhrumetmə cəzası tələb edir.
Məlumata əsasən, iş 2025-ci ilin oktyabrında “Sumud” flotiliyasının fəallarının saxlanılması ilə bağlı insidentdən sonra başladılıb.
İstintaq çərçivəsində ümumilikdə 35 israilli məmura ittiham irəli sürülüb.
Onlar insanlığa qarşı, soyqırımı, işgəncə, qanunsuz həbs, əmlaka ziyan vurma və humanitar yardımların qarşısını alma kimi ağır cinayətlərdə ittiham olunurlar.
Məlumatda həmçinin xatırladılır ki, İstanbul Baş Prokurorluğu Netanyahunun və digər yüksək vəzifəli şəxslərin həbsi ilə bağlı daha əvvəl də qərar çıxarıb.
