Şəki şəhər ərazisində "VAZ-2107" markalı avtomobil yoldan çıxaraq divara çırpılıb.
Bizim.Media-nın yerli bürosu xəbər verir ki, Şəkinin Aşağı Göynük kənd sakini Röyal Orucov yağışlı və sürüşkən havada idarə etdiyi avtomobilin sürət həddinə riayət etmədiyindən qəza törədib.
Bu zaman o, "VAZ-2107" markalı avtomobilin idarəetməsini itirərək divara çırpılıb.
Hadisə nəticəsində xəsarət alan olmasa da, avtomobilə ciddi ziyan dəyib.
Faktla bağlı araşdırma aparılır
Tural Rasimoğlu, Bizim.Media. Şimal-Qərb bürosu
