ain.az, Oxumeni.az saytından verilən məlumata əsaslanaraq xəbər yayır.
TRIPP çərçivəsində yüklər necə yoxlanılacaq: təfərrüatlar
Ermənistan hakimiyyəti, TRIPP (Beynəlxalq Sülh və Rifah üçün Tramp Marşrutu) marşrutu boyunca olanlar da daxil olmaqla, bütün quru sərhəd keçidlərini idarə edə biləcək vahid elektron platforma hazırlayır.
Ermənistan Dövlət Gəlirləri Komitəsinin sədri Eduard Akopyan “Doing Digital Forum 2026” tədbirində Ermənistanın gömrük məntəqələrində gələcək yeniliklərin təfərrüatlarını təqdim edib. Bu barədə Oxuməni.az “Sputnik Ermənistan”a istinadla xəbər verir.
"Hazırda biz bütün quru keçid məntəqələrini idarə edə biləcək vahid elektron platforma hazırlayırıq. Bundan əlavə, bu platforma məlumatları birləşdirə və bizim və digər ölkələrin məlumat bazalarının maneəsiz inteqrasiyasını təmin edə biləcək", - Akopyan bildirib.
Elektron idarəetmə sistemi yüklərin yoxlanılması çərçivəsində fəaliyyət göstərəcək. Nəqliyyat vasitəsi gömrük keçid məntəqəsinə çatmamışdan əvvəl onun haqqında bütün zəruri məlumatlar mövcud olacaq. Sərhəddə növbələri azaltmaq üçün elektron sistem tətbiq ediləcək.
Həmçinin, yük maşınının dayanmadan çəkisini təyin edən sistemin tətbiqi planlaşdırılır. Dövlət Gəlirləri Komitəsinin sədrinin sözlərinə görə, Ermənistan hakimiyyəti süni intellektin tətbiqi ilə müasir rentgen sistemlərindən istifadə etməyi planlaşdırır.
"Riskleri avtomatik müəyyən edən, təmassız yoxlama aparmağa imkan verən alətlər olacaq. Bütün ölkə ərazisində maşınların rəqəmsal müşayiətini təmin edən ağıllı cihazlar olacaq", - Akopyan izah edib.
Onun sözlərinə görə, bütün bunlar bütün yük axını üçün beynəlxalq səviyyəli xidmətlər göstərməyə imkan verəcək.
"Bu, o cümlədən TRIPP yoluna da aiddir", - rəsmi şəxs əlavə edib.
Layihəyə dəmir yolu, avtomobil yolu, neft kəməri, qaz kəməri və optik lif xətlərinin tikintisi daxildir.
İşlər ABŞ şirkəti tərəfindən Ermənistan qanunvericiliyinə uyğun olaraq, heç bir hərbi komponent olmadan aparılacaq. Razılığa əsasən, ABŞ layihənin həyata keçirilməsi üçün 99 ilə qədər müddətə eksklüziv hüquqlar əldə edir və infrastrukturun inkişafı və təhlükəsiz istismarı ilə məşğul olacaq beynəlxalq konsorsiuma ayrı-ayrı hissələrin subicarəyə verilməsi imkanına malikdir.
Almaz Həsənli
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
