Türkiyənin "Qalatasaray" klubu transfer siyasətində gəncləşdirmə strategiyasını davam etdirərək aşağı liqalara üz tutub.
Fanat.Az xəbər verir ki, "sarı-qırmızılılar" Türkiyə 3-cü liqasında çıxış edən "Ayvalıkgücü Belediyespor"un üzvü Əmirxan Bozu yaxından izləyir.
Tanınmış idman jurnalisti Yakup Çinarın yaydığı məlumata görə, İstanbul nəhənginin skautları 20 yaşlı dayaq yarımmüdafiəçisinin çıxışını müsbət qiymətləndiriblər. Müdafiə meyilli yarımmüdafiə xəttində nümayiş etdirdiyi stabil oyunla fərqlənən gənc futbolçunun yaxın vaxtlarda "cim-bom"un düşərgəsinə cəlb edilməsi gündəmdədir.
Klub rəhbərliyinin Əmirxanı gələcək vəd edən kadr kimi heyətə qataraq inkişaf etdirmək niyyətində olduğu bildirilir.
Kamil Xudiyev
