Axios-un müxbiri Barak Ravidin X-də verdiyi məlumata görə, ABŞ prezidenti Donald Tramp İranla mümkün razılaşma üçün son tarixi 24 saat uzadıb.
Ravid yazıb ki, “Tramp İranın müddətini daha 24 saat uzadıb”.
Bu, onun Trampın Truth Social-dakı paylaşımına verdiyi şərh idi. Paylaşımda heç bir izahat verilmədən yazılıb: “Çərşənbə axşamı, Şərq vaxtı ilə saat 20:00”.
Vətəninfo.az xəbər verir ki, bazar günü Axios-a verdiyi müsahibədə Amerika lideri bildirib ki, aprelin 7-dək İranla razılaşmanın bağlanma ehtimalı yüksəkdir.
Daha əvvəl Truth Social-da o, İranın 6 aprelə qədər Hörmüz boğazını açmayacağı təqdirdə enerji və mülki infrastruktur sahələrinə zərbə endirəcəyi ilə hədələmişdi.
Martın 26-da Amerika administrasiyasının rəhbəri İranın enerji infrastrukturu obyektlərinə zərbələrin 6 aprelə qədər 10 günlük dayandırıldığını elan etdi.
