Ceffri Epşteyn hələ də sağdır.
"Yeni Sabah" xəbər verir ki, bu fikri amerikalı sahibkar İlon Maskın atası Errol Mask RİA Novosti-yə verdiyi müsahibədə bildirib.
"Buna şübhə yoxdur", - deyən Maskın sözlərinə görə, Epşteynin həbsxana kamerasında başına gələnlərin rəsmi versiyası bir neçə sual doğurduğu üçün inandırıcı deyil.
O qeyd edib ki, hadisə zamanı həbsxananın təhlükəsizlik kameraları söndürülüb və mühafizəçilər yatıb.
ABŞ Ədliyyə Nazirliyinin məlumatına görə, təhlükəsizlik görüntülərində 62 saniyəlik bir hissə (saat 23:58:58-dən 00:00-dək) yoxdur. Bu, video qeyd sistemindəki texniki problemlərlə əlaqələndirilib.
Epşteyn 2002-2005-ci illər arasında onlarla yetkinlik yaşına çatmayan qız üçün Manhettendəki evinə və şəxsi adasına səfərlər təşkil etməkdə ittiham olunurdu. ONlardan ən kiçiyi 14 yaşında idi. 2019-cu ilin avqust ayında maliyyəçi həbsxana kamerasında yarı huşsuz vəziyyətdə tapılıb, lakin onu reanimasiya etmək mümkün olmayıb.
Fevralın əvvəlində ABŞ Ədliyyə Nazirliyi yetkinlik yaşına çatmayanlara qarşı cinayətlərdə və cinsi istismarda ittiham olunan Epşteynə qarşı 3 milyon səhifədən çox iş sənədi yayımladı.
Fayllara tanınmış şəxslərin fotoşəkilləri, istintaq materialları və Epşteynin çoxsaylı yüksək vəzifəli məmurlar və iş adamları ilə yazışmaları daxil idi. Sənədlərdə adı çəkilən bütün şəxslər cinsi istismarda iştiraklarını inkar edirlər.
Telegram kanalımız
