Ukrayna prezidenti Vladimir Zelenski martın sonunda Fars Körfəzi ölkələrinə səfər edib və bu səfər zamanı müharibə şəraitində dövlətin hərbi potensialının və geosiyasi təsirinin artdığını nümayiş etdirib. Bu barədə Atlantic Council� xəbər verir.
Səfər çərçivəsində Zelenski region ölkələrinin liderləri ilə bir sıra təhlükəsizlik sazişləri imzalayıb və onları “tarixi” adlandırıb. Məlumata görə, bu sazişlər Ukraynanın dronlarla iş təcrübəsinin paylaşılması qarşılığında maliyyə dəstəyi, etibarlı enerji təchizatı və strateji investisiyaları nəzərdə tutur.
Ekspertlər vurğulayır ki, səfər Ukraynanın münaqişə şəraitində belə beynəlxalq əlaqələrini gücləndirmək və strateji tərəfdaşlar cəlb etmək qabiliyyətini təsdiqləyir.
//Samir Qurbanov, Editor.az
