“Əl-Nəsr”in ulduz futbolçusu Kriştiano Ronaldo “Mançester Yunayted”in yarımmüdafiəçisi Kazemironun “İnter Mayami”yə transferinə mane olmağa çalışır.
Publika.az xəbər verir ki, bu barədə “Marca” məlumat yayıb.
Bildirilir ki, portuqaliyalı futbolçu keçmiş komanda yoldaşını Səudiyyə Ərəbistanı klubuna keçməyə razı salmaq istəyir. O, münasibətlərinin yaxşı olmasından istifadə edərək bu addımı atmağa çalışacaq.
Kriştianonun əzəli rəqibi Lionel Messinin kapitanı olduğu ABŞ klubu isə braziliyalı ulduza sərfəli şərtlərlə müqavilə təklif etməyə hazırlaşır.
