Türkiyə millisinin 24 ildən sonra dünya çempionatına vəsiqə qazanması ölkəyə həm böyük sevinc, həm də ciddi maliyyə gəliri gətirib.
Msport.az xəbər verir ki, “ay-ulduzlular” turnirə qatıldıqları üçün artıq milyonlarla dolları təmin ediblər.
FIFA DÇ-2026 üçün ümumi mükafat fondunu 50% artıraraq rekord həddə – 727 milyon dollara çatdırıb.
Turnirə vəsiqə qazanan Türkiyə yığması 10.5 milyon dollar məbləğində pulu artıq öz hesabına yazdırıb. Bu məbləğə 1.5 milyon dollar hazırlıq xərcləri və qrup mərhələsində iştiraka görə verilən 9 milyon dollar daxildir.
Mərhələlərə görə mükafatların bölgüsü:
Çempion: 50 milyon dollar
Finalçı: 33 milyon dollar
Üçüncü yer: 29 milyon dollar
Dördüncü yer: 27 milyon dollar
1/4 final: 19 milyon dollar
1/8 final: 15 milyon dollar
1/16 final: 11 milyon dollar
Qrup mərhələsi: 9 milyon dollar
Türkiyə millisi D qrupunda mübarizə aparacaq və ilk oyununu iyunun 14-də Avstraliyaya qarşı keçirəcək.
