Bakı, 31 mart, AZƏRTAC
İtaliyanın “Milan” komandası heyətinə yeni futbolçu qatıb.
AZƏRTAC klubun rəsmi saytına istinadən xəbər verir ki, A Seriyası təmsilçisi Serbiya “Partizan”ından Andrey Kostiçin keçidini həll edib. 19 yaşlı monteneqrolu hücumçu Milanın eyniadlı klubuna yayda qoşulacaq.
Belqrad təmsilçisi bu transferdən 8 milyon avro qazanacaq. Bundan əlavə, “Partizan” futbolçunun növbəti satışından 10 faiz pay alacaq.
