Ukrayna Rusiya limanlarına zərbələr endirir

Ukraynanın uzaqmənzilli pilotsuz uçuş aparatları (PUA) Rusiya xam neft ixracatı üçün həyati əhəmiyyət kəsb edən üç əsas infrastrukturu hədəfə alıb. 

Bakıvaxtı.az "LeMonde.fr"ə istinadən xəbər verir ki, Kiyevin məqsədi Moskvanın qiymətlərin artmasından əldə etdiyi əlavə gəliri məhdudlaşdırmaqdır. 

"Son günlər Ukrayna dronları strateji məqsədlərini - Rusiya neft limanlarını hədəf alan partlayışlar törədirlər. Bir həftədən az müddətdə üçüncü dəfə, Baltik dənizindəki ən böyük ixrac kompleksi olan "Ust-Luqa"nı hədəfə aldılar. Bölgənin qubernatoru Aleksandr Drozdenko kütləvi hücumun infrastrukturda yanğına səbəb olduğunu etiraf edib", - məlumatda qeyd edilib. 

Ukrayna təhlükəsizlik agentliyi SBU "Ust-Luqa" limanına ciddi ziyan vurulduğunu iddia edib. Rusiyanın boru kəməri inhisarçısı olan "Transneft" tərəfindən idarə olunan bu liman gündə təxminən 700 min barel neft ixrac edir. 

"Ust-Luqa"ya ardıcıl üç hücumdan sonra dəyən ziyanın miqyasını qiymətləndirmək çətindir. Hər dəfə kömür, dəmir filizi, gübrələr və kimyəvi maddələrin də ixrac edildiyi limanda ciddi yanğınlar baş verib. Ukraynanın uzaqmənzilli dronlarının digər hədəfləri arasında Baltik dənizində yerləşən "Primorsk" limanı və Qara dənizdəki "Novorossiysk" limanı olacaq", - məlumatda əlavə edilib.

"Cebheinfo.az"