Sherg.az saytından verilən məlumata görə, ain.az xəbər verir.
Elm, təcrübənin haqlı olduğunu göstərdi. Həqiqətən də övlad badəmdırsa, nəvənin də badəm içi olduğu təsdiqləndi.
Sherg.az xəbər verir ki, Amerika Birləşmiş Ştatlarının Atlanta şəhərindəki Emory Universitetində aparılan araşdırma, nənə-nəvə arasında xüsusi və dərin bir bağın mövcud olduğunu göstərdi.
Türkiyəli professor Melike Tümerin verdiyi məlumata görə, araşdırmada 3-12 yaş arasında ən az bir bioloji nəvəsi olan təxminən 50 nənənin beyin funksiyaları ölçülüb. Bu məqsədlə funksional maqnit-rezonans görüntüləmə (fMRI) istifadə olunub.
Duyğusal empati aktivləşir
Araşdırmada nənələr nəvələrinin, öz övladlarının, tanımadıqları uşaqların və yetkinlərin şəkillərinə baxarkən beyin fəaliyyətləri izlənilib. Nəticələr göstərdi ki, nənələr nəvələrinin şəkillərinə baxarkən, duyğusal empati ilə əlaqəli beyin bölgələri aktivləşir. Yəni nənələr, başqasının hisslərini hiss etmək qabiliyyətini işə salırlar.
Öncəki araşdırmalar göstərmişdi ki, atalar öz övladlarının şəkillərinə baxanda da bəzi beyin bölgələri aktivləşir, lakin nənələrdə bu aktivlik həm duyğusal empati, həm də motivasiya və mükafat ilə əlaqəli bölgələrdə daha güclü olur.
Nənələr genlərin davamlılığını təmin edir
Antropoloqlar qeyd edirlər ki, insanların digər primatlarla fərqliliklərindən biri də övladları yetişdirmə üsuludur. Digər böyük meymunlar öz balalarını təkbaşına böyütmək məcburiyyətində qalır, insan nənələri isə gələcək nəsillərə dəstək verərək genlərin davamlılığını təmin edir.
1980-90-cı illərdə Kristen Havkes və tədqiqatçı qrupu “böyük nənə hipotezi”ni ortaya qoymuşdu. Hipotezə görə, nəsil vermə yaşını keçmiş insan qadınları nəvələrinə baxmaqla həm genlərin ötürülməsinə, həm də ailəyə dəstək olur.
Ömrü uzadır
Araşdırmalar göstərir ki, nəvələrinə baxan nənə və babalar daha uzun ömür yaşayırlar. Almaniyada 70 yaş və üzəri 500-dən çox şəxsin məlumatları əsasında aparılan tədqiqatda, nəvələrinə və ya başqalarına baxan yaşlıların ölüm riskinin baxım təmin etməyənlərə nisbətən 37% daha az olduğu müəyyən edilib.
Beləliklə, nənə-nəvə əlaqəsi qarşılıqlı fayda təmin edir: nəvə sevgi və diqqəti tam alır, nənə isə həyatda məqsəd və mənalı fəaliyyət tapır, ömrünü uzadır.
Cambridge Universitetində aparılan araşdırma göstərir ki, nənə və babalarla nəvələrə oxumaq, lego oynamaq, parkda oyunlar keçirmək həm yaşlıların, həm də uşaqların əqli bacarıqlarını, ruh halını və sağlamlığını yaxşılaşdırır. Oyunlar həm də ailəyə mədəni dəyərlərin ötürülməsini təmin edir.
Nəticə olaraq, nəvə sevgisi yalnız genlərin davamını deyil, həm də qəlblərin sağalmasını təmin edir. Elm də bunu təsdiqləyir.
Daha ətraflı məlumat və yeniliklər üçün ain.az saytını izləyin.
