Tramp Mirziyoyevi Mayamidəki G20 sammitinə dəvət edib

Özbəkistan Prezidenti Şavkat Mirziyoyev ABŞ Prezidenti Donald Trampdan 2026-cı ilin dekabrında Mayamidə keçiriləcək G20 sammitində iştirak etmək üçün dəvət alıb.

 

Senzor.az yerli KİV-ə istinadən bildirir ki, bu barədə Özbəkistan Prezidentinin mətbuat katibi Şerzod Asadov məlumat verib.

 

Onun sözlərinə görə, Donald Tramp öz məktubunda Şavkat Mirziyoyevin bu ilin fevralında Sülh Şurasının təsis iclasında iştirakını yüksək qiymətləndirib, Özbəkistanda diqqətəlayiq nəticələr əldə etdiyini vurğulayıb: "Tramp öz məktubunda Özbəkistan Prezidentini Sülh Şurasının növbəti görüşünə, eləcə də Mayamidə keçiriləcək G20 sammitinə dəvət edib".