Belarus Prezidenti Aleksandr Lukaşenko Koreya Xalq Demokratik Respublikasının (KXDR) paytaxtı Pxenyana rəsmi səfər edib.
Redaktor.az bu barədə xarici KİV-ə istinadən xəbər verir.
Belarus XİN rəhbəri Maksim Rıjenkovun bildirdiyinə görə, iki ölkənin liderlərinin dostluq haqda saziş imzalayacağı gözlənilir.
“Həm Belarus, həm də Koreya tərəfini maraqlandıran kompleks, bir sıra istiqamətlər var. Onlar ölkələrimizin liderlərinin imzalayacağı dostluq haqda sazişin mətnində öz əksini tapacaq”, -deyə ali diplomat bildirib.
Lukaşenko səfər çərçivəsində Kumsusan Günəş sarayına baş çəkib. Orada Belarus lideri koreyalı sərkərdənin xatirəsini anıb.
