ain.az bildirir, Cebheinfo saytına əsaslanaraq.
Treyderlər ABŞ Prezidenti Donald Trampın İranla məhsuldar danışıqlar elan etməsindən 15 dəqiqə əvvəl təxminən 580 milyon dollar dəyərində neft fyuçersləri ilə ticarət ediblər.
Bu da bazarda kəskin dəyişikliyə səbəb olub.
“Cebheinfo.az” xəbər verir ki, bunu “Financial Times” (FT) qəzeti yazıb.
Qəzetin məlumatına görə, Brent və West Texas Intermediate xam nefti üçün təxminən 6200 müqavilə ticarət edilib. Trampın açıqlamasından sonra neft qiymətləri düşüb, S&P 500 fyuçersləri isə yüksəlib.
Bazar ertəsi günü ABŞ Prezidenti “Truth Social”-da yazıb ki, ABŞ və İran son iki gündə Yaxın Şərqdəki hərbi əməliyyatlara son qoymaq üçün konstruktiv danışıqlar aparıblar. O, həmçinin Pentaqona İranın enerji infrastrukturuna zərbələri beş gün təxirə salmağı əmr etdiyini açıqlayıb.
ABŞ Prezidenti jurnalistlərə bildirib ki, həm ABŞ, həm də İran razılığa gəlmək istəyini nümayiş etdirir və i iki tərəfin "əsas ortaq nöqtəsi" var.
Bu arada, İranın “Tasnim” xəbər agentliyi mənbəyə istinadən bildirib ki, Tehran Vaşinqtonla danışıqlar aparmayıb və aparmır. Agentliyin məlumatına görə, ABŞ prezidenti İran infrastrukturuna zərbə endirmək ideyasından imtina edib, çünki İrandan gələn hərbi təhdidlər daha inandırıcı hala gəlib.
Xəzər
“Cebheinfo.az”
Açar sözlər:
Tramp ABŞ
Problemlərinizi bizə yazın, şahidi olduğunuz hadisələri çəkib göndərin
Hadisənin gedişatını izləmək üçün ain.az saytında ən son yeniliklərə baxın.
