Air Canada Express təyyarəsinin La Quardia hava limanında nəqliyyat vasitəsi ilə toqquşması nəticəsində sərnişinlər, ekipaj və hava limanının yanğınsöndürmə xidmətinin əməkdaşları da daxil olmaqla 41 nəfər xəstəxanaya çatdırılıb.
Far.Az report-a istinadən xəbər verir ki, bu barədə hava limanı administrasiyasının icraçı direktoru Ketrin Qarsiya bildirib.
Onun sözlərinə görə, zərər çəkənlərdən bəziləri ciddi xəsarətlər alıb, lakin kritik yaralananların sayı dəqiqləşdirilməyib.
*** 11:14
"Air Canada Express" təyyarəsinin pilotları La-Quardiya hava limanında nəqliyyat vasitəsi ilə toqquşma nəticəsində həlak olublar.
Far.Az report-a istinadən xəbər verir ki, bu barədə NBC News mənbələrə istinadən məlumat yayıb.
"Nyu -Yorkdakı La Quardiya hava limanında "Air Canada Express" təyyarəsinin nəqliyyat vasitəsi ilə toqquşması nəticəsində təyyarənin iki pilotu həlak olub", - məlumatda bildirilib.
Mənbələrdən bildirilir ki, hazırda Nyu-York məhkəmə-tibb eksperti onların ölüm səbəblərini araşdırır.
***
Nyu-Yorkdakı La-Quardiya hava limanında "Air Canada Express" təyyarəsinin nəqliyyat vasitəsi ilə toqquşması nəticəsində 4 nəfər xəsarət alıb.
Far.Az report-a istinadən xəbər verir ki, təyyarə yanğınsöndürən maşınla toqquşub. Bildirilib ki, pilot və ikinci pilot ciddi xəsarətlər alıb, avtomobili idarə edən polis serjantı və bir zabitin vəziyyəti stabildir.
ABŞ-nin Federal Mülki Aviasiya İdarəsindən bildirilib ki, hava limanı müvəqqəti bağlanıb.
Hava limanının məlumatına əsasən, gələn reyslər digər hava limanlarına yönləndirilir və ya yoladüşmə məntəqələrinə qaytarılır.
*** 09:21
Kanadanın Monreal şəhərindən uçan "Air Canada Express" aviaşirkətinin təyyarəsi Nyu-Yorkun (ABŞ) La-Quardiya hava limanına eniş edərkən nəqliyyat vasitəsi ilə toqquşub.
Far.Az report-a istinadən xəbər verir ki, ABŞ-nin Federal Aviasiya İdarəsi (FAA) hava limanında bütün uçuşların və enişlərin Qrinviç vaxtı ilə saat 05:30-dək (Bakı vaxtı ilə 09:30-dək) dayandırılması mənsına gələn "ground stop" rejimi tətbiq edib.
Qeyd edilib ki, hava limanı Qrinviç vaxtı ilə 18:00-a (Bakı vaxtı ilə 22:00-a) qədər bağlı qala bilər.
Agentlik, həmçinin bildirib ki, sosial şəbəkələrdəki videolarda təyyarənin burun hissəsinin zədələndiyi görünür.
"Air Canada" aviaşirkəti, FAA və Nyu-Yorkun yanğınsöndürmə xidməti hələlik sorğulara cavab verməyib.
