Azertag saytından alınan məlumata görə, ain.az bildirir.
Brüssel, 23 mart, AZƏRTAC
Avropa mediasında yayımlanan videomateriala əsasən, nəqliyyat sektorunda karbon emissiyalarının azaldılması məsələsi yenidən diqqət mərkəzinə çıxıb.
AZƏRTAC xəbər verir ki, Avropa İttifaqı 2050-ci ilə qədər nəqliyyatda emissiyaların kəskin şəkildə azaldılmasını hədəfləyir və bu məqsədə çatmaq üçün müxtəlif alternativ enerji mənbələri nəzərdən keçirilir.
Videomaterialda vurğulanır ki, bioyanacaq, xüsusilə biodizel, mövcud infrastrukturdan istifadə imkanı yaratdığı üçün əsas həll variantlarından biri hesab olunur. Bu yanaşma yeni texnologiyalara tam keçid üçün tələb olunan vaxt və maliyyə xərclərini qismən azaltmağa kömək edə bilər.
Eyni zamanda, qeyd olunur ki, nəqliyyat sektorunun tam elektrikləşdirilməsi yaxın perspektivdə bütün sahələr üçün mümkün deyil. Xüsusilə ağır yük daşımaları və uzun məsafəli nəqliyyat üçün alternativ yanacaq növləri mühüm rol oynayır. Bu baxımdan bioyanacaq keçid dövründə mühüm element kimi qiymətləndirilir.
Avropa mediası diqqətə çatdırır ki, ekoloji hədəflərlə yanaşı, enerji təhlükəsizliyi və iqtisadi dayanıqlılıq məsələləri də bu müzakirələrdə əsas yer tutur. Nəticə etibarilə, bioyanacaq və digər alternativ həllərin kombinasiyası gələcək nəqliyyat siyasətinin əsas istiqamətlərindən biri kimi formalaşır.
Vüqar Seyidov
AZƏRTAC-ın xüsusi müxbiri
Brüssel
Hadisənin gedişatını izləmək üçün ain.az saytında ən son yeniliklərə baxın.
