San-Fransisko məhkəməsində münsiflər heyəti İlon Maskın əleyhinə qərar qəbul edib.
Musavat.com xəbər verir ki, qərarda Maskın Twitter-i almazdan əvvəl onun qiymətini “öldürmək” və daha yaxşı sövdələşmə şərtləri təmin etmək üçün reklam yolu ilə manipulyasiya etdiyin qeyd olunur: "Münsiflər heyəti, İlon Maskın 2022-ci ildə sosial şəbəkəni ilkin təklif etdiyi 44 milyard dollardan daha az qiymətə almaq cəhdi ilə şirkətin nüfuzunu aşağı salmaqla Twitter Inc. investorlarını aldatdığına qərar verdi".
Bloomberg agentliyi bildirir ki, bu qərardan sonra Mask Twitter investorlarına təzminat ödəməli olacaq.
2022-ci ilin aprel ayında Morgan Stanley, Bank of America və daha beş bank, sonradan investorlara borc satışından milyonlarla komissiya qazanmağı gözləyərək, Maskın Twitter-i almasını maliyyələşdirməyə razılaşdılar. Lakin sövdələşmə başa çatana qədər bazar şərtlər pisləşmişdi və investorlar Twitter-in borcuna maraq göstərmirdilər. Nəticədə, tələb olunmamış kreditlər iki ildən çox müddət ərzində bankların balans hesabatlarında qaldı.
Musavat.com
