BAKI, 20 mart. TELEQRAF
Türkiyənin Balıkesir vilayətinin Sındırgı rayonunda 4,0 ballıq zəlzələ baş verib.
Teleqraf xəbər verir ki, bu barədə Türkiyənin Fəlakət və Fövqəladə Halların İdarə Olunması Baş İdarəsi (AFAD) məlumat yayıb.
Yeraltı təkanlar yerli vaxtla saat 07:52-də qeydə alınıb. AFAD-ın məlumatına görə, zəlzələnin ocağı yerin təxminən 14,07 kilometr dərinliyində yerləşib.
Hələlik hər hansı dağıntı və ya insan tələfatı barədə məlumat daxil olmayıb.
