19 mart 2026-cı il tarixində Masallı Rayon İcra Hakimiyyətinin başçısı cənab Araz Əhmədov rayon icra hakimiyyətinin inzibati binasında vətəndaş qəbulu keçirmişdir.
Qəbul zamanı vətəndaşların müraciətləri rayon rəhbəri tərəfindən diqqətlə dinlənilmişdir.
İlk olaraq Öncəqala kənd sakini, şəhid atası çıxış edərək rayon rəhbəri cənab Araz Əhmədova rayonda görülən işlərə görə minnətdarlığını bildirmiş, qarşıdan gələn Novruz bayramı münasibətilə təbriklərini çatdırmışdır.
O, şəhid ailələrinə göstərilən diqqət və qayğıya görə də rayon rəhbərinə təşəkkür etmişdir.
Sonra Boradigah qəsəbə sakini çıxış edərək öz müraciətini rayon rəhbərinin diqqətinə çatdırmışdır. Vətəndaş müraciəti Dövlət Sosial Müdafiə Fondu ilə bağlı məsələni əhatə etmişdir.
Qəbul zamanı digər vətəndaşların da müraciətləri İcra başçısı tərəfindən diqqətlə dinlənilmişdir. Qaldırılan məsələlərin bir qismi yerindəcə həllini tapmış, digərlərinin araşdırılması və həlli istiqamətində isə aidiyyəti qurumlara müvafiq tapşırıqlar verilmişdir.
