Çərşənbə axşamı, 18 mart tarixində Rusiya Odessaya pilotsuz uçuş aparatları ilə hücum edib.
Herbiand.az xəbər verir ki, bu barədə məlumat verən şəhərin hərbi administrasiyasının rəhbəri Sergey Lısakın sözlərinə görə, üç nəfər yaralanıb, onlardan ikisi xəstəxanaya aparılıb.
Bundan əlavə, iki çoxmərtəbəli bina, tarixi mərkəzdəki bir bina və bir neçə fərdi evə ziyan dəyib. Lısak vurğulayıb ki, yanğınlar baş verib, lakin onlar tez bir zamanda söndürülüb. Hərbi administrasiya rəhbəri əlavə edib ki, təcili yardım xidmətləri və kommunal xidmət işçiləri hadisə yerində işləyir.
Odessa təxminən dörd ildir ki, Rusiya Silahlı Qüvvələri tərəfindən dəfələrlə atəşə tutulub. Təkcə ilin əvvəlindən bəri həm yaşayış binaları, həm də vacib infrastruktur obyektləri vurulub.
