Avroliqa: 1/4 finala yüksələn ilk komanda bəlli oldu – ARENA.AZ

Futbol üzrə Avropa Liqasında (Avroliqa) 2025/2026-cı illər mövsümünün 1/8 final mərhələsinin cavab oyunlarına start verilib.

Arena.az xəbər verir ki, ilk oyun günündə bir qarşılaşma baş tutub.

Portuqaliya təmsilçisi “Braqa” doğma meydanda Macarıstanın “Ferentsvaroş” kollektivini qəbul edib. Bu komandalar arasındakı ilk matçda “Ferentsvaroş” rəqibini 2:0 hesabıyla üstələmişdi. “Braqa” cavab görüşündə 4:0 hesablı qələbə qazanaraq adını 1/4 finala yazdırıb.

Qeyd edək ki, Avroliqanın 1/8 final mərhələsinin cavab oyunlarına sabah yekun vurulacaq.

Avropa Liqası
1/4 finalın cavab oyunları
18 mart

Braqa (Portuqaliya) – Ferentsvaroş (Macarıstan) 4:0
Qollar: Horta, 11; 53. Qrilliç, 15. Martines, 34.
İlk oyun – 0:2.

19 mart

21:45. Frayburq (Almaniya) – Genk (Belçika)
İlk oyun – 0:1.

21:45. Olimpik (Lion, Fransa) – Selta (İspaniya)
İlk oyun – 1:1.

21:45. Midtyulland (Danimarka) – Nottingem Forest (İngiltərə)
İlk oyun – 1:0.

00:00. Roma (İtaliya) – Bolonya (İtaliya)
İlk oyun – 1:1.

00:00. Aston Villa (İngiltərə) – Lill (Fransa)
İlk oyun – 1:0.

00:00. Betis (İspaniya) – Panatinaikos (Yunanıstan)
İlk oyun – 0:1.

00:00. Portu (Portuqaliya) – Ştutqart (Almaniya)
İlk oyun – 2:1.