İraqda təyyarə qəzası nəticəsində 6 ABŞ hərbçisi ölüb.
APA xəbər verir ki, bu barədə CENTCOM məlumat yayıb.
***
13:41
ABŞ Mərkəzi Komandanlığı (CENTCOM) İraqda təyyarə qəzası nəticəsində hərbçilərin ölməsini təsdiqləyib.
APA xəbər verir ki, bu barədə CENTCOM məlumat yayıb.
Məlumata görə, qəza nəticəsində 6 hərbçidən dördü ölüb.
Hadisənin baş vermə səbəbləri araşdırılır, xilasetmə işləri aparılır.
Eyni zamanda, təyyarənin düşmən və ya müttəfiqlər tərəfindən vurulmadığı qeyd olunub.
***
02:34
ABŞ ordusunun İraqın qərbində qəzaya uğrayan “KC-135” tipli yanacaq dolduran təyyarəsinin 6 ekipaj üzvünün hamısı həlak olub.
APA xəbər verir ki, zədələnmiş bir digər “KC-135” tipli təyyarə isə İsraildə uğurla eniş edib.
Qeyd edə ki, KC-135 əsas hava yanacaqdoldurma təyyarəsidir. Təyyarə tək bir uçuşda 90 tona qədər yanacaq ötürə bilir. Bu nəhəng təyyarənin dəyəri təxminən 25 milyon dollardır.
Pentaqon təyyarənin vurulması ilə bağlı xəbərləri təkzib edib. Məlumata görə İrana qarşı əməliyyatlar zamanı itirilən dördüncü ABŞ təyyarəsidir.
***
02:15
ABŞ Hərbi Hava Qüvvələrinə məxsus “Boeing KC-135” tipli yanacaq dolduran təyyarə cümə axşamı İraqın qərbində qəzaya uğrayıb.
APA xəbər verir ki, bu barədə “The Wall Street Journal” mənbələrə istinadən məlumat verib.
Məlumata görə, xilasetmə əməliyyatları davam edir, hadisə nəticəsində insan tələfatının olub-olmadığı barədə hələ ki, heç bir məlumat verilmir.
ABŞ Mərkəzi Komandanlığı (CENTCOM) təyyarənin itirilməsinin düşmən hücumu nəticəsində baş vermədiyini açıqlayıb.
