ABŞ-a məxsus KC-135 tanker təyyarəsi İraqda qəzaya uğrayıb Bu barədə ABŞ Mərkəzi Komandanlığı məlumat yayıb. Hadisə cümə axşamı əməliyyatın bir hissəsi olaraq keçirilən missiya zamanı baş verib.
"ABŞ Mərkəzi Komandanlığı ABŞ-a məxsus KC-135 tanker təyyarəsinin itkisindən xəbərdardır. Hadisə "Epik Qəzəb" əməliyyatı zamanı dost hava məkanında baş verib və xilasetmə işləri davam edir. Hadisə iki təyyarənin iştirakı ilə baş verib. Təyyarələrdən biri İraqın qərbində qəzaya uğrayıb, digəri isə təhlükəsiz yerə enib. Bu, düşmən və ya dost atəşinin nəticəsi deyil."
Komandanlıq hadisə ilə bağlı məlumatın hələ də toplandığını və təfərrüatların daha sonra açıqlanacağını açıqlayıb. Təyyarə qəzası İrana qarşı əməliyyatın başlanğıcından bəri ABŞ hərbçiləri ilə bağlı daha bir hadisədir.
Əvvəllər bildirilirdi ki, müharibənin ikinci günündə, 1 martda ABŞ üç F-15E Strike Eagle qırıcı təyyarəsini itirib. O vaxt Mərkəzi Komandanlıq təyyarələrin Küveytin hava hücumundan müdafiə sistemi tərəfindən səhv nəticəsində vurulduğunu bildirmişdi. Komandanın məlumatına görə, ABŞ-İsrail birgə İran ərazisinə zərbələri başlayandan bəri yeddi Amerika hərbçisi həlak olub. Daha 150 nəfər müxtəlif dərəcələrdə yaralanıb.
Əziz MUSTAFA
