Ermənistanın baş naziri Nikol Paşinyan Gürcüstanı “Ermənistanın Avropa İttifaqına gedən yolu” adlandırıb.
Bizim.Media xəbər verir ki, Paşinyan Strasburqda Avropa Parlamentinin sədri Roberta Metsola ilə birgə bəyanat zamanı bildirib ki, İrəvan Aİ ilə Gürcüstan arasında konstruktiv prosesin inkişafını gözləyir.
“Gürcüstan bizim üçün Avropa İttifaqına gedən yoldur. Gürcüstan Aİ üzvlüyünə namizəd statusu aldıqdan sonra biz Ermənistanda Aİ-yə qoşulma prosesinin başlanması ilə bağlı qanun qəbul etdik. Bu, Ermənistanın Aİ-yə üzvlük perspektivini daha real etdi. Biz gözləyirik və xahiş edirik ki, Aİ ilə Gürcüstan arasında konstruktiv proses inkişaf etsin. Bu, Gürcüstan üçün olduğu qədər Ermənistan üçün də vacibdir”, — deyə Paşinyan bildirib.
Bizim.Media
