ain.az, Azxeber.com portalına istinadən məlumat yayır.
İsrailin Baş naziri Benyamin Netanyahu martın 7-si axşam saatlarında xalqa müraciəti zamanı İrana qarşı davam edən hərbi əməliyyatların növbəti mərhələsi ilə bağlı sarsıdıcı mesajlar verib.
Netanyahu İsrailin "mütəşəkkil bir plana" sahib olduğunu və Tehran rejimini devirmək üçün "çoxlu sürprizlər" hazırladıqlarını bəyan edib.
Baş nazir müraciətində vurğulayıb ki, İsrail və ABŞ-ın birgə həyata keçirdiyi əməliyyatlar artıq nəticəsini verməkdədir: "Bizim çoxlu hədəflərimiz var və həqiqət anı yaxınlaşır. Hər keçən gün İran rejiminin imkanlarını qat-qat soyub kənara atırıq".
Netanyahu qeyd edib ki, əsas məqsəd təkcə nüvə təhlükəsini aradan qaldırmaq deyil, həm də İran xalqının azadlığına şərait yaratmaqdır: "Biz İranı bölməyə çalışmırıq, biz İranı azad etməyə çalışırıq. Rejimin devrilməsi regionda dramatik bir sülh dairəsi yaradacaq".
Baş nazir həmçinin SEPAH (İslam İnqilabı Keşikçiləri Korpusu) üzvlərinə də səslənərək, "Siz də hədəfdəsiniz" deyib, lakin silahı yerə qoyanların təhlükəsizliyinə zəmanət veriləcəyini bildirib. Xatırladaq ki, İsrail rəsmiləri hazırda İran səmasında tam üstünlüyün ələ keçirildiyini və Tehranın mərkəzindəki neft obyektlərinin, hərbi qərargahların uğurla vurulduğunu iddia edirlər.
///musavat
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
