Hindistan Hərbi Hava Qüvvələrinin (HHQ) "Su-30MKI" qırıcısının heyəti uçuş zamanı rabitəyə çıxmağı dayandırıb.
Publika.az xəbər verir ki, bu barədə Hindistan HHQ-nin "X" sosial şəbəkəsindəki səhifəsində məlumat verilib.
Bəyanatda bildirilir ki, Hindistana məxsus "Su-30MKI" qırıcısının enişində gecikmə qeydə alınıb.
Məlumata görə, hava gəmisi Assam ştatında yerləşən Corhat şəhərindən havaya qalxıb. Heyət sonuncu dəfə yerli vaxtla saat 19:42-də (Bakı vaxtı ilə 18:12) əlaqəyə çıxıb. Qırıcının itməsi ilə əlaqədar axtarış-xilasetmə əməliyyatına başlanılıb. "Su-30MKI"-nin itməsinə nəyin səbəb ola biləcəyi barədə rəsmi məlumat daxil olmayıb.
