futbolpress-az portalından verilən məlumata əsasən, ain.az bildirir.
Bu gün Azərbaycan Kubokunda birinci yarımfinalçı məlum olacaq.
Futbolpress.az xəbər verir ki, “Zirə” azarkeşləri önündə 1/4 finalın cavab matçında “Sumqayıt”ı qəbul edəcək. Tərəflər arasındakı ilk oyunda qalib müəyyənləşməyib – 0:0.
Turun favoriti “Zirə”dir. “Qartallar”ın son turlarda yüksəlişdə olması, “Sumqayıt”ın isə enişi meydan sahiblərini bir addım önə çıxarır.
Komandalar bu mövsüm çempionatda iki, kubokda bir dəfə üz-üzə gəlib. “Zirə” bu görüşlərdə iki qələbə qazanıb. “Qartallar” bir dəfə səfərdə, bir dəfə evdə qalibiyyət əldə edib.
“Sumqayıt” çempionatda son 4 oyunda qələbə qazana bilməyib. “Kimyaçılar” son olaraq “Kəpəz”ə məğlub olub.
“Zirə” isə son 5 matçda 3 qələbə qazanıb, 2 dəfə uduzub. Qəsəbə təmsilçisi sonuncu turda “Araz-Naxçıvan”ı məğlub etməklə avrokuboklara əsas iddiaçı olduğunu göstərdi.
“Sumqayıt” liqada 22 turdan sonra 31 xalla 7-ci sıradadır. İliçin komandası üçüncü sıradakı “Turan Tovuz”dan 10 xal geridədir. İndiki məqamda “kimyaçılar”ın liqa yolu ilə avrokuboklara vəsiqə qazanması çətin görünür. Bu minvalda “Sumqayıt”ın əsas diqqəti kuboka verəcəyi gözlənilir.
Hadisənin gedişatını izləmək üçün ain.az saytında ən son yeniliklərə baxın.
