Daniel Ballard “Sanderlend”lə yeni müqaviləyə imza atdı

İngiltərənin “Sanderlend” klubunun mərkəz müdafiəçi Daniel Ballard Premyer Liqa klubu ilə yeni müqaviləyə imza atıb.

Arena.az bu barədə klubun rəsmi saytına istinadən xəbər verir.

Belə ki, tərəflər arasındakı müqavilənin müddəti 2029-cu ilin yayına qədər uzadılıb. Sənəddə müddətin daha bir il artırılması bəndi də yer alıb.

Əvvəlki müqavilənin müddəti cari mövsümün sonunda bitəcəkdi.

Daniel Ballard London “Arsenal”ının yetirməsidir. O, “Suindon Taun”, “Bləkpul”, “Milluol” kimi klublarda icarədə də olub. “Sanderlend” Ballardı 2022-ci ilin yayında 2,3 milyon avro müqabilində məhz “Arsenal”dan transfer edib. 26 yaşlı futbolçu bu müddət ərzində “Sanderlend”in heyətində 114 oyuna çıxıb, 8 qol vurub, 4 məhsuldar ötürmə müəllifi olub.

Şimali İrlandiyanın U-19 və U-21 yığmalarında da oynamış Ballard 2020-ci ildə debüt etdiyi əsas millidə 33 oyun keçirib, 5 qol vurub.