ain.az, futbolpress-az portalına istinadən məlumatı açıqlayır.
“Turan Tovuz” Premyer Liqanın XXII turunda “İmişli” ilə heç-heçə edib. Suraxanıda, “Azersuna Arena”da baş tutan görüş qolsuz başa çatıb.
“Zirə” və “Qəbələ” ilə matçlarda inamlı qələbə qazanan tovuzluların “İmişli”yə də qalib gəlməsi gözlənilirdi. Avrokuboklara vəsiqə yolunda ən yaxın izləyicisi “Zirə”ni 5 xal qabaqlayan “Turan Tovuz” fərqi qoruya bilmədi. Elitada qalmaq mübarizəsi aparan bölgə klubu ilə matçda itirilən xalların acısı yayda çəkilə bilər.
“Zirə”nin qələbə qazandığı turda “İmişli”ni məğlub edə bilməmək avrokuboka vəsiqə arzusunda olan komanda üçün böyük itki sayıla bilər. Kurban Berdıyevin rəhbərlik etdiyi kollektivi qarşıda kubokda “Kəpəz”, çempionatda “Neftçi” ilə oyunlar gözləyir. Tovuzlular çətin qrafiköncəsi yersiz xal itkisi yaşadı.
“İmişli” üçünsə hər xal qazancdır. Elitada qalmaq hədəfində olan bölgə klubu rəqiblərinin xal qazandığı turda bir xala sevinməlidir. Bu mövsüm “Qarabağ”, “Sabah”, “Turan Tovuz”, “Neftçi” kimi komandalardan xal almağı bacaran “İmişli” uzun müddətdir, qələbə qazanmasına baxmayaraq, autsayderlərlə fərqin azalmasına da imkan vermir. Heç-heçələrlə liqada tutunmağa çalışan “şirlər”i qarşıda “Şamaxı”, “Sabah” və “Neftçi” ilə duellər gözləyir.
Şahin Cəfərov
Daha ətraflı məlumat və yeniliklər üçün ain.az saytını izləyin.
