İkinci Liqa: “Quba” – “Kür-Araz” matçının yeri dəyişdirildi

1 mart tarixində İkinci Liqanın 16-cı turu çərçivəsində keçirilməsi nəzərdə tutulan “Quba” – “Kür-Araz” oyununun yeri dəyişdirilib.

Arena.az xəbər verir ki, bu barədə Peşəkar Futbol Liqasının (PFL) rəsmi saytı məlumat yayıb.

Bildirilir ki, Quba şəhərində müşahidə olunan əlverişsiz hava şəraiti səbəbindən Quba Olimpiya İdman Kompleksinin stadionunun oyuna hazır vəziyyətə gətirilməsi mümkün olmadığından, hər iki klubun qarşılıqlı razılığı əsasında oyunun Heydər Əliyev adına İmişli şəhər stadionunda keçirilməsi qərara alınıb. Oyunun başlama saatı ilə bağlı dəyişiklik yoxdur.

İkinci Liqa
16-cı tur
1 mart

“Quba” – “Kür-Araz”
Hakimlər: Maqsud Şamıyev, Aydın Baxşıyev, Anar Bədəlov, Nazim Abdullayev.
Hakim-inspektor: Şahin Cəfərov.
AFFA nümayəndəsi: Elçin Mehtiyev.
Heydər Əliyev adına İmişli şəhər stadionu, 15:00.