Konfrans Liqasında 1/8 finalın bütün cütləri bəlli oldu

Bu gün futbol üzrə Avropa Konfrans Liqasında 2025/2026-cı illər mövsümünün 1/8 final mərhələsinin püşkü atılıb.

Arena.az xəbər verir ki, tədbir UEFA-nın İsveçrənin Nyon şəhərindəki mənzil-qərargahında baş tutub.

Bu raundda Liqa mərhələsini ilk “8-lik”də başa vurmuş komandalar və pley-offun qalibləri mübarizə aparacaqlar. Türkiyə təmsilçisi “Samsunspor” 1/4 finala vəsiqə uğrunda İspaniya La Liqasında mübarizə aparan “Rato Valyekano” ilə qarşılaşacaq.

Qeyd edək ki, Avropa Konfrans Liqasında 1/8 final mərhələsinin ilk matçları martın 12-də, cavab görüşləri isə ayın 19-da keçiriləcək.

Avropa Konfrans Liqası
1/8 final mərhələsi

Lex” (Polşa) – Şaxtyor (Ukrayna)
Kristal Pelas (İngiltərə) – AEK (Larnaka, Kipr)
Samsunspor (Türkiyə) – Rayo Valyekano (İspaniya)
Siqma (Çexiya) – Maynts (Almaniya)
Alkmar (Alkmar, Niderland) – Sparta (Çexiya)
Fiorentina (İtaliya) – Rakuv (Polşa)
Çelye (Sloveniya) – AEK (Yunanıstan)
Riyeka (Xorvatiya) – Strasburq (Fransa)