Sumqayıt şəhəri, Mehrab Niftəliyev küçəsində yol nişanının olmaması qəzalara səbəb olur.
Sumqayit24.az-a müraciət edən vətəndaş bildirib ki, 13-cü mikrorayonu Corat bağlarından ayıran küçədə əvvəllər quraşdırılmış "Maneəni sağdan keç" işarəsi naməlum səbəbdən götürülüb.
Bu səbəbdən ərazidə tez-tez təhlükəli vəziyyət yaranır. Hətta təqdim olunan videoda əks olunan yol-nəqliyyat hadisəsinin də məhz nişanın olmaması səbəbindən baş verdiyi qeyd olunur.
Sakinlər aidiyyəti qurumlardan sözügedən ərazidə yol nişanının yenidən quraşdırılmasını xahiş edirlər.
