Oksford Universitetinin alimləri müəyyən ediblər ki, vegetarian pəhriz beş növ xərçəngin yaranma riskini azaldır. Tədqiqat universitetin müxtəlif sahələrini, o cümlədən ümumi tibbi yardım və tibbi qanunvericilik istiqamətlərini əhatə edib.
QHT.az xəbər verir ki, məlumatda bildirilir: “Tarixdə bitki əsaslı qidalanmanın xərçəng riskinə təsirinə dair aparılmış ən genişmiqyaslı araşdırma göstərib ki, vegetarianlıq bəzi xərçəng növlərinin — süd vəzi, prostat, mədəaltı vəzi və böyrək xərçənginin riskini azaldır.”
Tədqiqatda təxminən 1,8 milyon insan iştirak edib. Nəticələrə əsasən, vegetarianlarda bəzi xərçəng növlərinə tutulma riski 21%-dən çox, digərlərinə görə 9–12%, bəzi hallarda isə 28%-ə qədər daha aşağı olub. Həmçinin çoxsaylı mieloma xəstəliyinə tutulma ehtimalının 31% daha az olduğu müəyyən edilib. Bununla yanaşı, vegetarian pəhrizin qida borusu xərçənginin inkişaf ehtimalını demək olar ki, iki dəfə artırdığı qeyd olunur. Xəstəlik riskini azaltmaq üçün alimlər rasiona tam taxıllı məhsullar, paxlalılar, meyvə və tərəvəzlərin daxil edilməsini, eyni zamanda yüksək keyfiyyətli qırmızı ətin balanslı şəkildə istehlakını tövsiyə edirlər.
Vegetarianlıq əsasən bitki mənşəli məhsulların üstünlük təşkil etdiyi qidalanma sistemidir.
