Pakistan-Əfqanistan sərhədində hərbi qarşıdurma Qətəri narahat edib.
“Cebheinfo.az” “Yeni Şafak”a istinadən xəbər verir ki, cümə axşamı Pakistan xarici işlər naziri İshaq Dar və Qətər XİN rəhbərinin müavini Məhəmməd Bin Əbdüləziz Əl-Xulafi arasında telefon danışığı baş tutub.
Pakistan Xarici İşlər Nazirliyinin mətbuat xidmətinin məlumatına görə, söhbət zamanı iki ölkə arasındakı münasibətlər, o cümlədən regional və beynəlxalq məsələlər barədə müzakirələr aparılıb.
Qeyd edək ki, Qətər İslamabad ilə geniş münasibətlərə malik olmaqla yanaşı “Taliban”la da diplomatik-siyasi təmasları var.
Rəsmi Doha iki ölkə arasındakı münaqişənin həllində vasitəçi kimi iştirak etməyə hazır olduğunu bildirib.
