“Ən xəyanətkar” BÜRC

Astrologiyanın köməyi ilə demək olar ki, hər şeyi izah etmək mümkündür — kişilərdə erogen zonaların yerləşməsindən tutmuş xəyanət ehtimalına qədər. Lakin bu dəfə nəzəriyyə ilə kifayətlənməyərək oxucu qadınlar arasında sorğu keçirilib:

“Qoç, Buğa, Əkizlər və s. bürclərdən olan kişi sizə xəyanət edibmi?”.

Hafta.az xəbər verir ki, sorğunun nəticələri aşağıdakılardır:

“Xəyanət çempionu” — Xərçəng

Oxucuların 37%-i bildirib ki, Xərçəng bürcü altında doğulan kişilər onlara xəyanət edib. Romantik və həssas kimi tanınsalar da, məhz onlar “reytinqdə” birinci yeri tutublar.

Qoç — 36%

Respondentlərin 36%-i Qoç kişilərin xəyanət etdiyini deyib. İddialara görə, onlar daim “ideal sevgi” axtarışındadır və seçimdə həddindən artıq tələbkar olurlar.

Oxatan — 36%

Sorğuda iştirak edənlərin 36%-i Oxatan bürcündən olan kişilərlə bağlı da xəyanət təcrübəsi yaşadığını qeyd edib. Onlar üçün xəyanət guya darıxmağa qarşı “mübarizə üsulu” kimi qiymətləndirilib.

Dolça — 36%

Dolça kişilərinin fiziki yaxınlığa daha yüngül yanaşdığı, emosional bağa isə daha çox önəm verdiyi bildirilir. Bu səbəbdən 36% iştirakçı onlardan şikayət edib.

Yaxşı xəbər də var.

Əqrəb — 45% sədaqətli

Respondentlərin 45%-i bildirib ki, Əqrəb kişilər onlara heç vaxt xəyanət etməyib. Ciddi münasibətdə olduqda sədaqətli olduqları düşünülür.

Şir — 46%

Sorğuda iştirak edənlərin 46%-i Şir bürcündən olan kişilərin sadiq olduğunu deyib. Güman edilir ki, tərəfdaşın onları daim tərifləməsi və diqqət göstərməsi bu sədaqətdə rol oynayır.

Oğlaq — 49% (ən sadiq)

Ən yüksək göstərici Oğlaq kişilərinə məxsusdur. Respondentlərin 49%-i onların xəyanətə meylli olmadığını bildirib.

“Ən yaxşı gizlənənlər”

Tərəzi və Balıq bürcləri hər biri 28% səs toplayaraq “ən yaxşı konspirasiya edən” bürclər kimi göstərilib. Onların doğrudan da sadiq olub-olmaması isə açıq sual olaraq qalır.