La Liqa: “Real” “Osasuna”ya uduzdu, “Atletiko” sevindi

Bu gün futbol üzrə İspaniya çempionatında (La Liqa) 2025/2026-cı illər mövsümünün 25-ci turunun növbəti oyunları keçirilib.

Arena.az xəbər verir ki, ikinci oyun günündə dörd qarşılaşma baş tutub.

Altı qolun qeydə alındığı “Real Sosyedad” – “Real Ovyedo” matçında qalib müəyyənləşməyib. “Betis” – “Rayo Valyekano” görüşündə də tərəflər hərəyə 1 qol və 1 xalla kifayətləniblər.

Səfərdə “Osasuna” ilə qarşılaşmış lider “Real” gözlənilməz məğlubiyyətə üzülüb. Madridin digər təmsilçisi “Atletiko” isə bu turda “Espanyol” üzərində inamlı qələbəyə sevinib.

25-ci turun qalan görüşləri fevralın 22-də və 23-də keçiriləcək.

İspaniya, La Liqa
25-ci tur
20 fevral

Atletik – Elçe 2:1
Qol: Quruseta, 64; 89-pen – A.Silva, 68-pen.

21 fevral

Real Sosyedad – Real Ovyedo 3:3
Qollar: Oskarsson, 64; 90. Kaleta-Çar, 87 – Vinas, 50; 52. Beyli, 90+2.

Betis – Rayo Valyekano 1:1
Qollar: Bakambu, 16 – Palason, 42.

Osasuna – Real 2:1
Qollar: Budimir, 38-pen. R.Qarsiya, 90 – Vinisius, 73.

Atletiko – Espanyol 4:2
Qollar: Sörlot, 21; 72. C.Simeone, 49. Lukman, 58 – Xofre, 6. Ekspozito, 80.

22 fevral

17:00. Xetafe – Sevilya
19:15. Barselona – Levante
21:30. Selta – Malyorka
00:00. Vilyarreal – Valensiya

23 fevral

00:00. Alaves – Jirona