ain.az bildirir, Azpolitika.az saytına əsaslanaraq.
Fevralın 25-də Azərbaycan Milli Elmlər Akademiyası (AMEA) Rəyasət Heyətinin toplantısı keçiriləcək.
Qurumdakı mənbələrin “AzPolitika”ya verilən məlumata görə, iclasda baxılacaq məsələlərdən biri də AMEA-nın keçmiş prezidenti, hazırda dövlətə xəyanət və s. ağır cinayətlərdə ittiham olunaraq ev dustağı edilmiş Ramiz Mehdiyevin qurumun həqiqi üzvlüyündən çıxarılması olacaq.
Xatırladaq ki, AMEA prezidenti İsa Həbibbəyli bu ayın əvvəlində yerli mediaya açıqlamasında R.Mehdiyevin məsələsinin müzakirə olunacağını açıqlamışdı.
Qeyd edək ki, o, Cinayət Məcəlləsinin 278.1 (dövlət hakimiyyətini ələ keçirməyə yönələn əməllər), 274 (dövlətə xəyanət) və 193-1.3.2-ci (cinayət yolu ilə əldə edilmiş əmlakı leqallaşdırma) maddələri ilə ittiham olunur. Ötən həftə Səbail Rayon Məhkəməsi onun barəsində seçilmiş qərarın daha 4 ay uzadılması barədə qərar verib.
Ramiz Mehdiyev 2019–2022-ci illərdə isə AMEA-nın prezidenti olub.
Rasim
“AzPolitika.info”
Sonrakı hadisələr barədə daha çox məlumat almaq üçün ain.az saytını izləyin.
