Arbeloa: “Real”ın mütləq səviyyəsi hələ çox uzaqdadır”

Futbol üzrə İspaniya La Liqasının lideri “Real”a baş məşqçilik edən Alvaro Arbeloa “qaymaqlılar” haqda qənaətini açıqlayıb.

Arena.az ispan mütəxəssisin müvafiq qənaətini təqdim edir:

“Böyük komandalar qalib gəlmək üçün bir çox xüsusu düzgün icra etməlidirlər. Ən mütləq səviyyəmiz hələ çox uzaqdadır”, deyə Arbeloa vurğulayıb.

Yeri gəlmişkən, “Real”ın ispaniyalı keçmiş yarımmüdafiəçisi Esteban Qranero həmyerisi Alvaro Arbeloanın “Real”ın sükanı arxasındakı işini qiymətləndirib:

“Arbeloa başa düşür ki, uzunmüddətli plana malik olmaq gərəkdir, amma onun əsası – sadiqlik, möhkəmlik, səylə zəhmətdir. Müsbət güc-qüvvəyə malik komanda görürəm”, deyə Qranero vurğulayıb.

“Real”ın uruqvaylı yarımmüdafiəçisi Federiko Valverde də “qaymaqlılar”ın çatışmazlığı saydığı xüsusdan söhbət açıb. Uruqvaylı futbolçunun müvafiq qənaətini təqdim edirik:

“Oyunun taleyini 90-cı dəqiqədən sonra deyil, buna qədər həll etməyimiz gərəkdir. Elə, həmişə rəqibin səhvlərinə bel bağlaya bilmərik. “Real” daha yaxşı oynamalı və daha çox qol vurmalıdır”, deyə Valverde vurğulayıb.