İsrailin Elbit Systems şirkəti adı açıqlanmayan beynəlxalq müştəriyə 30 mm-lik döyüş qüllələri və sursat tədarük edəcək.
“Poliqon” “Elbit Systems”ə istinadən xəbər verir ki, tərəflər arasında ümumi dəyəri təxminən 277 milyon ABŞ dolları olan bir neçə müqavilə imzalanıb və onların icrası üç il ərzində həyata keçiriləcək.
UT30 MK2, zirehli transportyorların atəş gücünü artırmaq üçün nəzərdə tutulmuş, konfiqurasiya edilə bilən qüllə sistemidir. Onun modul quruluşu və açıq arxitekturası qüllənin həm mexaniki, həm də uzaqdan idarə olunan variantlarda istifadə olunmasına imkan verir və bu rejimlər arasında asan keçidi, eləcə də müxtəlif raket sistemləri və nişangahların inteqrasiyasını təmin edir. Aşağı profilə malik olan UT30 MK2 30 mm-lik əsas top, qoşalaşdırılmış 7.62 mm-lik pulemyot və tank əleyhinə idarə olunan raketlərlə təchiz oluna bilir.
