Son bir neçə gündə Sudanın Kordofan və Sennar bölgələrində dron hücumlarında 50-dən çox insan həlak olub.
Ucnoqta.az xəbər verir ki, Dabanga radiostansiyasının məlumatına görə, Qərbi Kordofan əyalətinin El Sunut şəhərində məcburi köçkünlərin yaşadığı binaya zərbə endirilib.
Fevralın 16-da baş verən hücumda doqquz qadın və 12 uşaq da daxil olmaqla ən azı 26 nəfər həlak olub.
Fevralın 15-də Şimali Kordofanın Sodari şəhərindəki bazara dron hücumu nəticəsində ən azı 28 nəfər həlak olub, onlarla insan yaralanıb.
Yerli insan haqları təşkilatları ölənlərin sayının daha çox olduğunu bildirir lər.
