Alimlər bir planetin ömrünü təyin edən amilləri araşdırıblar. Nəticələr Yer kürəsinin gözləniləndən daha qısa bir ömrə sahib olduğunu, lakin kainatın uzaq künclərində trilyonlarla il yaşayacaq planetlərin mövcud olduğunu göstərir.
Manset.az xarici mediaya istinadən xəbər verir ki, planetlərin həyat dövrü gənc ulduzların ətrafındakı toz hissəciklərinin böyük toqquşmalarla birləşməsi ilə başlayır. Lakin bir planetin sonunu müəyyənləşdirmək, onun yaranışını müəyyənləşdirməkdən çox daha mürəkkəbdir.
"Livescience"ın məlumatına görə, elm dünyasında bir planetin ölümü ya fiziki olaraq tamamilə parçalanması, ya da üzərindəki yaşanabilir şərtlərin daimi olaraq dəyişməsi kimi qəbul edilir. Yer kürəsinin misalına baxıldığında planetimizin taleyi birbaşa Günəşin dəyişimi ilə əlaqəlidir. Təxminən 5 milyard il sonra Günəş öz yanacaq ehtiyatını tükədib bir qırmızı nəhəngə çevrildikdə Yer kürəsi əvvəlcə okeanlarının buxarlanması ilə yaşanmaz hala gələcək, sonra isə genişlənən Günəş tərəfindən ya udulma, ya da kosmos boşluğuna atılma təhlükəsi ilə qarşılaşacaq.
